రెండు రోజుల్లోనే 100 కోట్ల క్లబ్ లోకి చేరిన ‘బీస్ట్’

తమిళనాట విజయ్ కి ఉన్న క్రేజ్ గురించి ప్రత్యేకంగా చెప్పుకోవలసిన పనిలేదు. ఆయన నుంచి వచ్చిన ఏ సినిమా అయినా, తొలి రెండు మూడు రోజుల్లోనే 100 కోట్ల క్లబ్ లోకి చేరిపోతూ ఉంటుంది. ఆయనకి ఉన్న ఫాలోయింగ్ ..  మార్కెట్ అలాంటిది. ఇక అనిరుధ్ సంగీతం కూడా ఈ సినిమాకి హైలైట్ గా నిలిచింది.

నిజానికి ఆయన స్వరపరిచిన ‘అరబిక్ కుతు’ సాంగ్, ఈ సినిమా ఓపెనింగ్స్ లో ప్రధానమైన పాత్రను పోషించిందనే చెప్పాలి. ఇక దర్శకుడిగా రెండు భారీ హిట్లు నెల్సన్ దిలీప్ కుమార్ ఖాతాలో ఉండటం కూడా ఈ సినిమాకి కలిసొచ్చింది. కథలో కొత్తదనం లేకపోయినా, తనదైన స్టైల్ తో విజయ్ చేసిన మేజిక్ బాగానే వర్కౌట్ అయింది.