ఉద్యమ కారుల ఆకలి తీర్చిన అల్లం పద్మక్క యాదిలో..

ఈ రోగాలు ఏందో.. మంచి వారిని హింసిస్తుంటాయి. అందరికి అన్నం పెట్టిన అల్లం పద్మక్కను ఆ రోగాలు వదులలేవు.

అరుదైన లూపస్, కిడ్ని సంబంధిత సమస్యలతో రెండు దశాబ్దాలకు పైగానే  బాధ పడ్డాది.  ప్రపంచాన్ని వణికించిన కరోనా కూడా పద్మక్కను వదులలేదు. అయినా.. కరోనాను జయించిన పద్మక్క ఆరోగ్యంకు డోకా లేదనుకున్నారు శ్రేయోభిలాషులు.

ఆనారోగ్యంతో బాధ పడుతున్న పద్మక్కను నిమ్స్ హస్పిటల్ లో చికిత్స నిమిత్తం చేర్పించారు. వైద్యుల పర్యవేక్షణలో ఉంది. అయినా.. ఇరువై రెండు రోజుల అనంతరం ఆ నిమ్స్ లోనే పరిస్థితి విషమించింది. 22-02-2022 నాడు పద్మక్క తుది శ్వాష విడిచారు. రాష్ట్ర ప్రెస్ అకాడమీ చైర్మన్‌ అల్లం నారాయణతో కష్టా, సుఖాలలో కలిసి ఉన్న తాను  ఒంటరిని చేసి వెళ్లి పోయింది. అలా మన మధ్యలేకుండా పోయిన పద్మక్క సేవా, ఉద్యమ స్పూర్తిని గుర్తు చేసుకుంటారు తెలంగాణ ఉద్యమ కారులు.