అమెరికాలో ఇంటి యజమాని… కేపీహెచ్బీ కాలనీలోని ఇంట్లో దొంగ పట్టివేత!

సమాచారం అందుకున్న వెంటనే డీఎస్సై, ఇద్దరు కానిస్టేబుళ్లు 5 నిమిషాల వ్యవధిలోనే అక్కడకు చేరుకున్నారు. తలుపు తీయాలంటూ దొంగను హెచ్చరించారు. దొంగ తలుపు తీయకపోవడంతో… వారు తలుపులు పగులగొట్టి లోపలకు వెళ్లారు. దొంగ పడకగది తలుపు వెనుక నక్కాడు. దీంతో, లొంగిపోవాలంటూ డీఎస్సై తుపాకీతో బెదిరించగా, అతను లొంగిపోయాడు. అప్పటికే సదరు దొంగ బీరువా, షెల్ఫ్ లు తెరిచినట్టు గుర్తించారు. తాను చోరీ చేసిన వెండి ఆభరణాలు, నగదును బూట్లలో దాచి, పలు ఆభరణాలను మంచం పరుపు కింద దాచినట్టు పోలీసులు గుర్తించారు.

దొంగను నాగర్ కర్నూలు జిల్లా యాపర్లకు చెందిన రామకృష్ణ (32)గా గుర్తించారు. ఇతను జూబ్లీహిల్స్ లో ఒంటరిగా ఉంటున్నాడు. సినీ పరిశ్రమలో బోయ్ గా పని చేస్తున్నాడు. ఇళ్లలో చోరీలు చేస్తూ ఇప్పటికే 10 సార్లు జైలుకు వెళ్లొచ్చాడు. రామకృష్ణను అదుపులోకి తీసుకున్న పోలీసులు కేసు నమోదు చేశారు.